Քրեական ենթամշակույթը չպետք է կառավարող լինի զինվոր-սպա կամ զինվոր-զինվոր հարաբերություններում։ «Առաջին լրատվական»-ի հետ զրույցում նշեց «Խաղաղության երկխոսություն» ՀԿ ղեկավար, իրավապաշտպան Էդգար Խաչատրյանը։
Խաչատրյանի խոսքով՝ ունենք բավականին մեծ թվով դեպքեր, որոնք կոծկվում են. «Եթե սպայական անձնակազմը իմանա, որ դեպքերը բացահայտվում են, ամեն ինչ կանեն, որ զորամասերում նման դեպքեր չկրկնվեն։ Ունենք դեպքեր, երբ նույն զորամասում մեկ ամիս տարբերությամբ դեպքեր են կրկնվում։ Մենք տարբեր հարթությունում պատերազմող երկիր ենք, մեծ ջանքեր են պահանջվում իշխանություններից։ Զորամասերում մահվան բոլոր դեպքերը որակվում են ինքնասպանություն։ «Ինքնասպանության» դեպքերով պետք է մեխանիզմներ լինեն, որ նախնական փուլում արձանագրվի»։
