«Տրանսֆերմարկետ» պարբերականի համաձայն հոկտեմբերի 12-ին Ռիգայում կայանալիք Եվրո-2024-ի ընտրական փուլի Լատվիայի դեմ հանդիպմանը Հայաստանի ազգային հավաքական հրավիրված 23 խաղացողների տրանսֆերային ընդհանուր արժեքը կազմում է մոտ 38 միլիոն եվրո։ Մեր ազգային թիմի ամենաթանկ ֆուտբոլիստը շարունակում է մնալ «Կրասնոդարի» կիսապաշտպան Էդուարդ Սպերցյանը։ Վերջինիս տրանսֆերային արժեքը կազմում է 15 միլիոն եվրո։ Վերջին թարմացումից հետո մեր ֆուտբոլիստի արժեքն ավելացել է ևս 3 միլիոն եվրոյով և կազմում է 15 միլիոն եվրո։ Այս տարվա սկզբին Սպերցյանի տրանսֆերային արժեքն ավելացել էր 3 միլիոն եվրոյով կազմելով 12 միլիոն եվրո։ Համեմատության համար նշենք, որ 2021 թվականի հունիսին Սպերցյանի տրանսֆերային արժեքը ընդամենը 800 հազար եվրո էր։ 2 տարվա ընթացքում Սպերցյանի տրանսֆերը աճել է մոտ 19 անգամ ինչը փայլուն ցուցանիշ է։
Նշենք, որ հայ կիսապաշտպանն ամռանը ճանաչվել էր 2022/2023 թթ մրցաշրջանի Ռուաստանի լավագույն կիսապաշտպան։ Չմոռանանք, որ անցյալ տարվա դեկտեմբերին «Կրասնորդարի» կիսապաշտպանը ճանաչվել էր Հաայաստանի տարվա լավագույն ֆուտբոլիստ։ Հայաստանի ազգային հավաքականի կազմում Սպերցյանը խփել է երեք գնդակ։ Ամենաթանակ հայաստանցի ֆուտբոլիստների հաշվարկում երկրորդ տեղում շարունակում է մնալ Սաուդյան Արաբիայի «Ալ Ֆատեհ» թիմի կիսապաշտպան Լուկաս Սելարայանը։ Վերջինիս տրանսֆերը կազմում է 7 միլիոն եվրո է։ Հայաստանի հավաքականի ամենաթանկ ֆուտբոլիստների լավագույն եռյակում է Մոսկվայի «Լոկոմոտիվի» ներկայացուցիչ Նաիր Տիկնիզյանը։ Վերջինիս տրանսֆերային արժեքն վերջին թարմացումից հետո կրկնապատկվել է և կազմում է 5 միլիոն եվրո։ Ընթացիկ մրցաշրջանում Տիկնիզյանը 14 խաղում 5 գնդակ է խփել և կատարել 3 գոլային փոխանցում։ Սլովակիայի չեմպիոն «Սլովանի» կիսապաշտպան Տիգրան Բարսեղյանի տրանսֆերն այս պահին 1․2 միլիոն եվրո է։ Մյոնխենգլադբախի «Բորուսիայի» ամռանը պայմանագիր կնքած Հրանտ Լեոն-Ռանոսի տրանսֆերային արժեքը կազմում է մեկ միլիոն եվրո։ Նույնքան է նաև «Պոգոնի» կիսապաշտպան Վահան Բիչախչյանը ի տրանսֆերային արժեքը։ Մեր հավաքականի ավագ, ղազախական «Աստանայի» պաշտպան Վարազդատ Հարոյանի տրանսֆերային արժեքը ևս մեկ միլիոն եվրո է։ Նշենք,որ Ղազախական «Աստանայի» մեկ այլ պաշտպան Կամո Հովհաննիսյանի տրանսֆերային արժեքը կազմում է 900 հազար եվրո։ 400 հազար եվրոյով ավելացել է Հայաստանի հավաքականի նորեկ «Նիժնի Նովգորոդի» կիսապաշտպան Էդգար Սևիկյանի տրանսֆերը և հիմա կազմում է 900 հազար եվրո։ 350 հազար եվրոյով էլ ավելացել է մեր հավաքականի և Կազանի «Ռուբինի» հենակետային կիսապաշտպան Ուգոչուկվու Իվույի տրանսֆերը և հիմա կազմում է 700 հազար եվրո։
«Կրասնոդարի» մեկ այլ ներկայացուցիչ 19-ամյա պաշտպան Գեորգի Հարությունյանի տրանսֆերային արժեքը գնահատված է 800 հազար եվրոյով։ Հունիսին մեր հավաքականում նորամուտը նշած «Ալաշկերտի» դարպասապահ Օգնյեն Չանչարևչի տրանսֆերը գնահատված է 200 հազար եվրոյով։ Այսպիսով, Լատվիայի դեմ հանդիպմանը հրավիրվածների շարքում ունենք մեկ միլիոն եվրո եւ ավելի տրանսֆերային արժեք ունեցող 7 ֆուտբոլիստներ։ Միլիոն եւ ավելի տրանսֆերային արժեք ունեցող հավաքականի 3 թեկնածուներ էլ տեղ չեն գտել Պետրակովի ցուցակում։ Լատվիայի հավաքական հրավիրված 25 ֆուտբոլիստների տրանսֆերային ընդհանուր արժեքը կազմում է 9․5 միլիոն եվրո։ Փաստորեն, ֆուտբոլիստների որակի առումով մեր հավաքականը մոտ 4 անգամ գերազանցում է մրցակցին։ Լատվիայի ազգային թիմում այս պահին կա մեկ միլիոն եվրո գերազանցող տրանսֆերային արժեք ունեցող մեկ ֆուտբոլիստ։
Խոսքը իտալական «Սպեցիայի» հարձակվող Ռայմոնդոս Կրոլիսի մասին է։ Վերջինիս տրանսֆերային արժեքը կազմում է 2․5 միլիոն եվրո։ Նշենք, որ Հայաստանի հավաքականի դեմ խաղին ընդառաջ Լատվիան ունի լուրջ կորուստներ։ Վնասվածքների պատճառով խաղադաշտ դուրս չեն գա հարձակվող Վլադիսլավաս Գուտկովսկիսը և պաշտպան Ռայվյաս Անդրաս Յուրկովսկիսը։ Լատվիայի հավաքականի ավագ Քրիստերս Տոբերսը բաց կթողնի Հայաստանի հետ հանդիպումը որակազրկման պատճառով։ Նշենք, որ ենթախմբի ետնապահ Լատվիան ընթացիկ ընտրական փուլում միավոր չի վաստակել։