1024 պրոցեսորներից բաղկացած հզոր «Նաուտիլուս» համակարգիչը, որը գտնվում է Թենեսիի համալսարանում, կանխատեսել է Եգիպտոսի հեղափոխությունը և նշել Բեն Լադենի գտնվելու վայրը: «Կանխատեսումները», այդուհանդերձ, կարելի է հարաբերական համարել, քանի որ, օրինակ, Բեն Լադենի գտնվելու վայրը նշվել էր 200 կմ շառավիղի սահմաններում:
Այնուհետև համակարգիչը ցույց է տվել, որ հնարավոր էր կանխատեսել եգիպտական հեղափոխությունը: Իլինոյսի համալսարանի գիտնական Կալևա Լեետարուն համակարգչի մեջ է ներմուծել տեղեկությունների մեծ բազա, որը վերցված է եղել ԱՄՆ կառավարության BBC-ի և The New York Times-ի արխիվներից` սկսած 1945 թվից: Լեետարուն համակարգչին է «հաղորդել» նաև Եգիպտոսում 1979 թ. հունվարից մինչև 2011 թ. հունվարն ընկած ժամանակահատվածում տեղի ունեցած զարգացումները, որից հետո համակարգչի կողմից ստեղծված գրաֆիկը ցույց է տվել, որ հեղափոխությունը հնարավոր էր կանխատեսել:
Նշվում է, որ թեև կանխատեսումներն արվել են փաստի արձանագրումից հետո, սակայն այս ուսումնասիրությունը շատ կարևոր է հետագա զարգացումների վրա ազդելու առումով:
