«Այս օրերին մամուլում գրվեց, թե Կարեն Կարապետյանը մտադիր է նաև քաղաքականությունից հեռանալ, զբաղվել միայն բիզնեսով և հաստատվել Մոսկվայում։ Կարապետյանի մերձավորները, սակայն, պնդում են, որ նա ո՛չ քաղաքականությունից, և ո՛չ էլ երկրից չի հեռանալու, այլ կուսակցություն չի հիմնելու, այլ կուսակցություն չի բացելու և այլ կուսակցության չի անդամագրվելու, մնալու է ՀՀԿ անդամ:
Նրա հրաժարականը, սակայն, կարող է ազդել նախագահականում աշխատողների սննդակարգի վրա. Կարեն Կարապետյանը նախագահական նստավայրի բուֆետը Սերժ Սարգսյանի աշխատակազմի համար վերածել էր «ձրի ռեստորանի»։ Այստեղ բարձրակարգ ուտելիքը նրա շնորհիվ վաճառվում էր գրոշներով»,- գրում է «ՀԺ»-ն և հավելում.
«Նյութը պատրաստ էր տպագրության, երբ տեղեկություններ ստացանք, որ Միքայել Մինասյանի և Կարեն Կարապետյանի միջև վերջին օրերին հակասություններն ավելի են սրվել։ Դա կապված է այն բանի հետ, որ Մինասյանը կասկածներ է հայտնել, թե Կարեն Կարապետյանը կապ ունի Վիքիլիքսյան բացահայտումներից հետո օլիգարխների տարածած հայտնի անանուն նամակի հետ»։
