Սեպտեմբերի 14-ին մեկնարկելիք «ՌեԱնիմանիա» 3-րդ երևանյան միջազգային անիմացիոն կինոփառատոնի շրջանակում, Գերմանիայի արտաքին մշակութային կապերի ինստիտուտի
(Institut für Auslandsbeziehungen e. V.), Հայաստանում Գերմանիայի դեսպանատան և «Թումո» ստեղծարար տեխնոլոգիաների կենտրոնի օժանդակությամբ, անցկացվում է «Անիմացիոն ֆիլմեր Գերմանիայից» խորագրով ցուցահանդես:
Ցուցահանդեսին ներկայացված են 17 անիմացիոն ֆիլմեր և դրանց պատրաստման ընթացքում օգտագործված իրերը`տիկնիկներ, նկարներ և այլն:
«Անիմացիոն ֆիլմեր Գերմանիայից» ցուցահանդեսը զեկույց է գերմանական անիմացիոն ֆիլմարվեստի ներկայիս շարժումների մասին, որը կենտրոնանում է այսօր Գերմանիայում արտադրվող յուրահատուկ ու հաջողված ֆիլմերի վրա:
Անիմացիոն ֆիլմերի գերմանացի նկարիչներն աշխատում են շուկայից դուրս, և նրանց որոշ նպատակներ կտրուկ տարբերվում են ընդհանուր մեդիա ոլորտի նպատակներից:
Ցուցահանդեսի մուտքն ազատ է, այն կշարունակվի մինչև սեպտեմբերի 25-ը «Թումո» ստեղծարար կենտրոնում:
