Բոնոյի այցը հատկանշական. ժամանակն է խոսքից գործի անցնել: «Առաջին լրատվական»-ի հետ զրույցում նշեց ԱՄՆ Հայ Դատի գրասենյակի մամուլի պատասխանատու Եղիզաբետ Չուլջյանը:
Չուլջյանի խոսքով`ութ ամիս է Արցախը շրջափակման մեջ է. ժամանակն է Ադրբեջանի նկատմամբ պատժամիջոցներ կիրառվեն. «Պետք է անցնել հստակ քայլերի: ԱՄՆ-ն Ադրբեջանին ու Հայաստանին դնում է նույն կշեռքի վրա: ԱՄՆ-ն սխալ ազդակ է տալիս` Հայաստանին ու Ադրբեջանին նույն կշեռքի վրա դնելով: Ինչ ցավոտ զիջումների մասին է խոսքը, երբ Ադրբեջանը սկսել է արցախցիներին առևանգել: Ժամանակն է` ԱՄՆ-ն հավասարակշռված խոսքերը մի կողմ դնի ու անցնի հստակ քայլերի»: