Վրաստանի իրավապահները երեկ գիշեր ձերբակալել են Բաթումիի նավահանգստի մոտ բողոքի ակցիա իրականացնող մի խումբ քաղաքացիների։ Նրանք բողոքել են ընդդեմ Astoria Grande զբոսանավի ժամանման, որի վրա ռուս զբոսաշրջիկներ են եղել, հաղորդում է տեղական «Բաթումելեբի» լրատվական գործակալությունը:
Ձերբակալվել են բողոքի ակցիայի այն մասնակիցները, որոնք փորձել են ճեղքել նավահանգստի մոտ տեղադրված ոստիկանական բարիկադները։
Անցյալ շաբաթ ևս վրացական ընդդիմությունը, դժգոհ լինելով Բաթում Astoria Grand-ի մուտքից, բողոքի ակցիա էր կազմակերպել նավահանգստի մոտ: Ընդդիմությունը դա անվանել է միջազգային պատժամիջոցների շրջանցում։
