Հնդկաստանի ներքին գործերի նախարարը հայտարարել է, որ չորեքշաբթի օրը մայրաքաղաք Դելիում տեղի ունեցած ահաբեկչության պատասխանատուները հավանաբար տեղացի ահաբեկիչներն են: Մինչ այժմ Հնդկաստանի իշխանությունները նման ահաբեկչությունների համար մեղադրում էին Պակիստանում տեղակայված ահաբեկչական խմբերին:
BBC-ին տված հարցազրույցում Հնդկաստանի ներքին գործերի նախարարն ասել է, որ իշխանությունները չեն կարող ահաբեկչությունների մեջ մշտապես մեղադրել միայն արտերկրում գործող խմբերին, և կոչ է արել շատ ավելի մեծ ուշադրություն դարձնել բուն Հնդկաստանում գործող ծայրահեղական խմբավորումներին:
Հիշեցնենք, որ չորեքշաբթի օրը Դելիում` Հնդկաստանի Գերագույն դատարանի շենքի մոտ տեղի ունեցած ահաբեկչության հետևանքով զոհվել էր 13 մարդ, ևս 70-ը վիրավորվել էին:
