ՀԺԿ կուսակցության նախագահ Ստեփան Դեմիրճյանը հանրահավաքում իր ելույթում նկատեց, որ այն դատողությունը, թե արտահերթ ընտրությունները առաջնահերթ չեն և կան առավել կարևոր հարցեր՝ այդպես չէ:
Նրա խոսքերով, փաստ է, որ երկրում գոյություն ունեն հիմնախնդիրներ, երկիրը դատարկվում է, խորանում է սոցիալական բևեռվածությունը, խայտառակ վիճակ է բանակում, բայց փաստ է նաև, որ գործող վարչախումբը ունակ չէ լուծել այս խնդիրները և դիմակայել մարտահրավերներին: Գործող վարչախմբի ապաշնորհ քաղաքականության հետևանքով է ժողովուրդը հայտնվել է ծանր վիճակում:
«Ելքը մեկն է՝ պետք է անցկացվեն արտահերթ խորհրդարանական և նախագահական ընտրություններ: Ձևավորված իշխանությունը կիրականացնի երկրի և ժողովրդի շահերից բխող քաղաքականություն: Ակնհայտ է, որ վարչախումբը կգնա համապատասխան քայլերի միայն հզոր հասարակական ճնշման դեպքում: Մեկ անգամ ասել եմ, որ երկխոսության հետ հույսեր կապել պետք չէ, հարցը պետք լուծել այստեղ, մեր պայքարով: Ես համոզված եմ, որ մենք կկարողանանք հեռացնել իշխանությունը բռնազավթած իշխանավորներին»,- ավելացրեց Ստեփան Դեմիրճյանը:
