«Բանակն առանց մարդասպանների» ակցիայի մասնակիցները Հանրապետության հրապարակով, Հյուսիսային պողոտայով, Ազատության հրապարակով և Բաղրամյան պողոտայով շարժվեցին դեպի նախագահական նստավայր: Մինչ այդ՝ նրանք ամբողջ երկայնքով մի որոշ ժամանակ կանգնեցին ԱԺ պարիսպների մոտ:
Ակցիայի մասնակիցները՝ «Մի՛ սպանեք մեր երեխաներին», «Տղա չունեմ՝ մարդասպաններին տալու համար», «Վե՛րջ բռնություններին» և նման այլ պաստառներով, իսկ որդեկորույս մայրերն՝ իրենց սպանված տղաների նկարներով, նախագահի նստավայրի առջև մի որոշ ժամանակ կանգնելուց հետո նորից շարժվեցին դեպի կառավարության շենք:
Ինչպես լրագրողների հետ զրույցում նշեց իրավապաշտպան Արթուր Սաքունցը. «Պետք է անընդմեջ խոսել և բացահայտել բանակում ամեն օր տեղի ունեցող անիրավությունները: Բանակի ներքին համակարգում այնպիսի անճշտություններ կան, որ մարդիկ չեն խոսում և չեն բացահայտում իրական եղելությունը»:
