Երեկ տեղեկացրել էինք, որ սեպտեմբերի 7-ի առավոտյան ժամը 7-ի սահմաններում հերթական ողբերգական դեպքն է գրանցվել Ասկերանի մարտական հենակետերում:
Մահացել է Էջմիածնի զինկոմիսարիատից զորակոչված, 19-ամյա Հայկ Վասիլի Մկրտչյանը:
Ավելի ուշ Պաշտպանության նախարարությունը տարածեց հաղորդագրություն, ըստ որի սեպտեմբերի 7-ին ԼՂՀ ՊԲ ժամկետային զինծառայող Հայկ Մկրտչյանը մահացել է համածառայակից, ժամկետային զինծառայող Լենդրուշ Սամվելի Նազլուխանյանի կողմից զենքի հետ վարվելու կանոնների խախտման հետևանքով արձակված կրակոցներից:
Փաստի առթիվ ՀՀ ՊՆ քննչական ծառայությունում հարուցվել է քրեական գործ` ՀՀ քրեական օրենսգրքի 373 հոդվածի 3-րդ մասով, կատարվում է նախաքննություն:
Երեկոյան մեր նկարահանող խումբը Հայկ Մկրտչյանի հայրական տանն էր՝ Արմավիրի Ամբերդ գյուղում:
Սիրանույշ Պապյանի պատրաստած տեսանյութը ձեզ ենք ներկայացնում առանց մեկնաբանության…
