Թուրքական Milliyet թերթի փոխանցմամբ՝ Անկարայում Իսրայելի նախկին դեսպան Ալոն Լիելը բրիտանական «The Independent» պարբերականին տված հարցազրույցի ժամանակ հայտարարել է, որ ԱՄՆ-ն և Իսրայելը ձեռնարկում են հնարավոր ամեն ինչ՝ կանխելու համար դեպի Գազայի հատված Թուրքիայի վարչապետ Էրդողանի այցը։
Լիելը հայտարարել է, որ եթե Էրդողանը մտնի Գազայի հատված, ապա նրան կդիմավորեն՝ ինչպես աստծու. «Եթե եգիպտացիներն Էրդողանին թույլ տան «Ռաֆահ» անցակետով մտնել Գազա, ապա Իսրայելի և Եգիպտոսի հարաբերություններում կսկսվի նոր ժամանակաշրջան։ Դա դրամատիկ փոփոխություններ կմտցնի տարածաշրջանային դիվանագիտության մեջ»։
Հիշեցնենք, որ երեկ էլ Լիելը հայտարարել էր, որ Թուրքիայի մասին կարելի է մոռանալ, քանի որ դա թշնամական երկիր է։ Միևնույն ժամանակ նա զգուշացրել էր դրանից բխող հնարավոր կորուստների մասին. «Թուրքիան իսրայելական ապրանքների ներկրման քանակով զբաղեցնում է 6-րդ տեղը, իսրայելական քաղաքացիական արտահանումն այդ երկիր կազմում է 4 միլիարդ դոլար։
Այժմ թուրք-իսրայելական հարաբերությունները միայն վատթարանալու են, և անգամ պետք է զգուշանալ Թել Ավիվի «Մաքկաբի»-ի՝ Թուրքիա կատարելիք այցից, ուր նա հանդիպում է ունենալու «Բեշիքթաշ»-ի հետ»։
