«Լևադա կենտրոնի» կողմից անցկացված հասարակական կարծիքի ուսումնասիրությունը ցույց է տվել, որ ավելի քիչ ռուսաստանցիներ են բացասական վերաբերմունք արտահայտում ԱՄՆ-ի նկատմամբ, հատկապես 2001 թ. սեպտեմբերի 11-ի առնչությամբ: Օգոստոս ամսին կատարված ուսումնասիրության արդյունքում պարզ է դարձել, որ ավելի քիչ ռուսաստանցիներ են կարծում, թե ԱՄՆ «վաստակել էր այդ ահաբեկչական գործողությունները, և այժմ նրանք կհասկանան, թե ինչ է նշանակում Հիրոսիմա և Նագասակի»: Եթե 2001 թ. այդպիսի կարծիքի էր ռուսաստանցիների 50%-ը, ապա այժմ այդ թիվը կազմում է 27%: Այս մասին հաղորդում է Interfax գործակալությունը:
Ռուսաստանցիների 39%-ը կարծում է, որ ԱՄՆ-ի նկատմամբ իրականացված գործողություններն ատելության արդյունք են, 31%-ը` կրոնական ծայրահեղականության: Ամեն 5-րդ ռուսաստանցին կարծում է, որ դա ահաբեկիչների խելահեղության արդյունք է, իսկ 17%-ը վստահ է, որ ահաբեկչական ակտերն իրականացվել են՝ որպես վրեժ ռմբակոծությունների և հետապնդումների համար:
