Aplle ընկերությունը սահմանել է մենեջերի նոր պաշտոն, որը զբաղվելու է կորպորատիվ տեղեկությունների հետագա արտահոսքերի կանխմամբ: Այս մասին գրում է The New York Times-ը: Այս պաշտոնին հավակնողը պետք է կարողանա կառավարել ռիսկերը և ունենա անվտանգության ոլորտում աշխատելու առնվազն 5 տարվա փորձ: Մենեջերը զբաղվելու է նաև Apple-ի սարքերի վերաբերյալ արտահոսքերի վերահսկմամբ և հեղինակային իրավունքի պաշտպանությամբ:
Այս պաշտոնը պատահական չի մտցվել, քանի որ քիչ չեն դեպքերը, երբ մինչև Apple-ի նոր սաքերի թողարկումը հանրությանը հայտնի է դառնում դրանց մասին: Անցած տարի ընկերության աշխատակիցը կորցրել էր iPhone սմարթֆոնի օրինակը, թեպետ այն դեռ չէր թողարկվել: Նույնը տեղի էր ունեցել այս տարի iPhone5 հեռախոսի դեպքում: