ՀՀ ազգային ժողովը երկրորդ ընթերցմամբ և ամբողջությամբ ընդունեց կառավարության ներկայացրած օրենքի նախագիծը, որով նախատեսվում է վարժական հավաքի կանչված աշխատող քաղաքացու աշխատավարձը պահպանել ամբողջությամբ:
Հայաստանի Հանրապետության աշխատանքային օրենսգրքում լրացումներ կատարելու մասին օրենքի նախագիծն ԱԺ նիստում ստացավ 88 կողմ ձայն:
Աշխատող քաղաքացիները, որոնք մեկնում են վարժանքների, հաճախ խնդիր են ունենում իրենց եկամուտի պահպանման մասով:
Օրենքով սահմանվում է, որ մինչև 30 օր վարժանքների մասնակցելու պարագայում գործատուն վճարելու է քաղաքացու հիմնական աշխատավարձի ու պետության կողմից վարժանքների մասնակցելու համար ստացած գումարի տարբերությունը: Օրինակ՝ եթե հիմնական աշխատավարձը 200 հազար դրամ է, և քաղաքացին մասնակցում է վարժանքների ու պետությունից՝ ՊՆ-ից ստանում 100 հազար դրամ, ապա գործատուն պետք է առնվազն վճարի այդ 100 հազար դրամը:
Պետական հատվածի աշխատողներին գործատուն կվճարի տարբերությունը, իսկ մասնավորի դեպքում կարող է վճարել առնվազն տարբերությունը:
