Հայաստանը հազար ու մի թելերով կապված է ՌԴ-ի հետ, տնտեսական ակտիվության հետ մեծ կապ ունի ՌԴ-ն: «Առաջին լրատվական»-ի հետ զրույցում նշեց ՔՊ խմբակցության պատգամավոր Վաղարշակ Հակոբյանը:
Պատգամավորը ՌԴ-ին համարում է ՀՀ ռազմավարական գործընկերը․ գտնվում ենք միևնույն անվտանգային կառույցում․ «Ցանկացած իշխանություն խորքային քայլեր անելուց պետք է խորը մտածի, մենք ԱԺ-ում խորը վերլուծություն ենք անում: Մեր գործունեության տրամաբանության հիմքում պետք է դնել ՀՀ պետական շահը: ՌԴ-ն համարվում է ՀՀ ռազմավարական գործընկերը, պետք է ամեն ինչ անել, որ այդ հարաբերությունները լինեն կայուն
Անդրադառնալով Անիում և Սիսիանում ՏԻՄ ընտրություններին և ՔՊ հաղթանակին, պատգամավորը նկատեց․ «Մեր քաղաքական թիմը ճանաչում է ժողովրդին, գիտենք՝ քաղաքացին մեզնից ինչ է ուզում»:
Պատգամավորը նաև անդրադարձավ խորհրդարանական ընդդիմության գործունեությանը, նկատելով․ «Ոչնչացված ընդդիմությունը երբեք իշխանության սրտով չի լինում: Քաղաքացին մերժեց այս ընդդիմությանը: Խորհրդարանական ընդդիմությունը չի կարողանում վերադասավորվել»:
