Ռուսաստանցի հայտնի երգչուհի Ալլա Պուգաչովան պատրաստվում է մտնել «Արդար գործ» կուսակցություն, որը ղեկավարվում է միլիարդատեր Միխայիլ Պրոխորովի կողմից: Նա այս քայլին կգնա, եթե միլիարդատերը առաջարկի: Այս մասին պրիմադոննան ասել է Комсомольская правда թերթին տված հարցազրույցում:
«Վերջին տարիների ընթացքում ես չեմ հետևում այս ամենին: Քաղաքականության մեջ միևնույն անուններն են, ինչպես շոու բիզնեսում: Վերջերս սկսեցի հետաքրքվել, և դա միայն այն պատճառով, որ հայտնվել է իսկական մուժիկ, որը պատրաստ է երկրի համար ինչ-որ բան անել: Ես հիմա խոսում եմ Պրոխորովի մասին»,- ասել է Պուգաչովան: «Երկրում ինչ-որ բան փոխելու Ժամանակն է եկել»,- ասել է պրիմադոննա:
Երգչուհին դրական պատասխան է տվել հարցին՝ եթե կանչեն կուսակցություն, արդյո՞ք ինքը պատրաստվում է միանալ դրան. «Եթե կանչի (Պրոխորովը.- 1in.am), կգնամ: Հասկանո՞ւմ եք, քաղաքականությունը նուրբ գործ է, այստեղ յուրահատուկ ուղեղ է պետք: Իսկ Միխայիլ Դմիտրիևիչը հենց այդպիսի մարդկանցից է»,- ասել է Պուգաչովան:
