«Մեծ Բրիտանիայի նախկին վարչապետ Բորիս Ջոնսոնը կազմել է պատվավոր կոչումների թեկնածուների ցանկը, որում ներառվել է նրա հայրը՝ Սթենլի Ջոնսոնը», – հաղորդում է «The Times» թերթը: Նշվում է, որ Ջոնսոնն առաջադրել է մոտ 100 մարդու։
Նախկին վարչապետն իրավունք ունի ասպետի և այլ պատվավոր կոչումների առաջադրել նրանց, ում արժանի կհամարի։ Հոդվածի հեղինակն իր տարակուսանքն է հայտնել նախկին վարչապետի հորը պարգևատրելու կապակցությամբ՝ մի քանի կանանց կողմից ավելի վաղ նրա դեմ առաջադրված մեղադրանքների պատճառով։ Պարբերականի տեղեկություններով՝ Սթենլի Ջոնսոնը 1979-1984թթ.եղել է Եվրախորհրդարանի պատգամավոր։ Բացի այդ, ըստ տեղեկությունների, Ջոնսոնի հայրը Ֆրանսիայի քաղաքացի է։
