Տեղի ունեցածը ուսադիր կրող մարդկանց սպանություն էր, հանցագործություն, որն առանձնանում է բացառիկ ցինիզմով: «Առաջին լրատվական»-ի հետ զրույցում նշեց «Հանուն հանրապետության» կուսակցության փոխնախագահ Ռուբեն Մեհրաբյանը:
Մեհրաբյանի խոսքով՝ հարցականի տակ է դրվում ռուսական զորքերի այնտեղ գտնվելու նպատակահարմարությունը․ «Դիվերսիան տեղի ունեցավ Լավրովի՝ Բաքու այցից անմիջապես հետ: Ռուսաստանը Բաքվին ոգեշնչելով՝ հրահրում է սադրանքներ: Սա ՌԴ պատասխանն էր արցախահայությանը՝ այնքան էլ Ադրբեջանին դեմ չգնան: Ռուսները պահի խնդիրներ լուծելով՝ տապալում են իրենց ձեռքով կառուցված ռազմավարությունը: Փորձ է արվում Երևանին ներքաշել «առևտրի» մեջ․ Երևանը չպետք է սադրանքների տրվի և մտնի ռուս-ադրբեջանական գործարքի մեջ: Գետնի վրա փոփոխություն է պետք․ փաստահավաք առաքելություն պետք է մտնի Արցախ»: