Հանս Քրիստան Անդերսենի ամենահայտնի հեքիաթներից մեկի հերոսուհու՝ «Փոքրիկ ջրահարսի»՝ Կոպենհագենում գտնվող քանդակի քարե պատվանդանն այսօր ներկել են Ռուսաստանի դրոշի գույներով։
Այդ մասին տեղեկանում Է ТАСС գործակալությունից: Նշվում է, որ Ekstra Bladet թերթի լրագրողները ռուսական եռագույնը լուսանկարել են տեղական ժամանակով ժամը 07:00-ին (Երևանի ժամանակով 10:00-ին): Խմբագրությունը կապվել Է ոստիկանության հետ, սակայն հերթապահը պատասխանել է, թե իրեն ոչինչ հայտնի չԷ իրավապահ մարմիններում համապատասխան հաղորդումներ ստանալու մասին։
Արձանը քաղաքին Է նվիրել գարեջրագործ Կառլ Յակոբսենը՝ «Կառլսբերգ» գարեջրագործական ընկերության հիմնադրի որդին։ Հուշարձանը տեղադրվել է 1913 թվականին Կոպենհագենի Լանգելինիեի ափամերձ շրջանում։ Այդ ժամանակվանից ի վեր այն քաղաքի խորհրդանիշերից մեկն Է: «Փոքրիկ ջրահարս»-ի հեղինակը դանիացի քանդակագործ Էդվարդ Էրիկսենն է, իսկ բնորդուհին եղել Է նրա կինը՝ Էլինեն:
