Շվեդական IKEA ընկերությունը, որն աշխարհում հայտնի է որպես կահույք արտադրող խոշորագույն ընկերություններից մեկը, 1970-1980-ական թթ. Արևելյան Գերմանիայի տարածքի իր ձեռնարկություններում օգտագործել է քաղբանտարկյալների աշխատանքը: Այս մասին գրում է շվեդական The Local-ը:
Հայտնի , որ 1970-ականներին IKEA-ն լայնամասշտաբ աշխատանքներ է սկսել Գերմանիայի դեմոկրատական հանրապետության տարածքում` այստեղ բացելով 65 ֆաբրիկա: Այդ ժամանակ շվեդական ընկերությունը սերտ հարաբերություններ է հաստատել ԳԴՀ-ի ղեկավարության հետ: ԳԴՀ արխիվներում հայտնաբերված փաստաթղթի համաձայն` IKEA-ի ղեկավար Ինգվար Քամփրադն իմացելէ սրա մասին, սակայն ասել է, որ դա «բխում է հասարակության շահերից»:
Այս փաստը հաստատել է նաև այն ժամանակ IKEA-ի գործարանում աշխատած արևելագերմանացի քաղբանտարկյալը, որն ասել է, թե աշխատանքային պայմաններն անտանելի են եղել բանտարկյալների համար. «Մեր թիմն ապրում էր հենց ֆաբրիկայում, վերին հարկում, բոլոր պատուհանները փակ էին և ծածկված: Ստորին հարկերում տեղակայված էին ֆաբրիկայի սարքավորումները»: