Wednesday, 19 06 2024
01:00
Սպիտակ տունը մեկնաբանել է Պուտինի այցը ԿԺԴՀ
Հրեական կրոնական համայնքի կենտրոնի պատուհանները կոտրողը Արտաշատի բնակիչ է
ՊՆ-ն ամառային զորակոչի համար մրցույթ է հայտարարել
00:45
Պուտինը ժամանել է Հյուսիսային Կորեա
00:30
Հայաստանն ԱՊՀ-ից դուրս գալու ցանկության մասին ոչ մի ազդակ չի հղել
00:15
Ֆրանսիացի շուրջ 100 գործիչներ Մակրոնին խնդրել են զինված ուժեր ուղարկել Հայաստան
Արագ, ճշգրիտ, հզոր. ֆրանսիական «Caesar» հաուբիցի առավելությունները
Նախկին մարզպետից գլխ․ դատախազությունը պահանջում է 4 անշարժ գույք, 1 մեքենա, 1 մլրդ 250 մլն դրամ
Գազայի հատվածի հիվանդանոցը գերծանրաբեռնված է ավելի քան չորս անգամ
Վարչապետ Փաշինյանը հեռախոսազրույց է ունեցել Թուրքիայի նախագահի հետ
23:30
Շվեդիայի ԱԳՆ-ն կանչել է Ռուսաստանի դեսպանին
23:15
Գերմանիայի իշխող կոալիցիայում սրվել են բյուջեի նախագծի շուրջ վեճերը
23:00
Անտառային հրդեհների պատճառով սահմանափակվել է նավերի տարանցումը Դարդանելի նեղուցով
Նեթանյահուն անհավանական է անվանել զենքի մատակարարումից ԱՄՆ-ի հրաժարումը
«Հայաստանի շուրջ ռազմաքաղաքական «տենդի ջերմաստիճանը» կտրուկ բարձրանում է»
Եվրաինտեգրումը ազգային օրակարգ է. հանրաքվեն կտրուկ քայլերի մանդատ կտա իշխանությանը
Գալստանյանը փորձեց սրբագրել Քոչարյանին. մոլորեցնել չի հաջողվի
21:50
Օրբանը հայտարարել է ՆԱՏՕ-ի երաշխիքների մասին՝ Հունգարիայի կողմից Ուկրաինային չաջակցելու հնարավորության առթիվ
Ավտոլվացման կետի 2-րդ հարկում հայտնաբերել են Հնդկաստանի քաղաքացի Կապուրի դին
Ֆրանսիական Caesar-ները որպես նոր աշխարհաքաղաքական բալանսի բաղադրիչ
Հունիսի 12-ը հավասար է նոյեմբերի 9-ին. քաղաքական շարժիչը նույնն է
Մշակույթի տխրահռչակ նախարարից գլխ․ դատախազությունը պահանջում է 1 մլրդ դրամ գումար
Պատգամավորներին ներկայացվել է ՀՀ զբաղվածության 2024-2030 թթ. ռազմավարության նախագիծը
Կովկասի անկայունության միակ օջախը. Լուկաշենկոյի անկեղծ խոստովանությունը
20:50
Իրանում տեղի ունեցած երկրաշարժի հետևանքով կա 2 զոհ, 50 վիրավոր
ՀՀ ԱԺ նախագահն ու Գերմանիայի դեսպանը քննարկել են անվտանգության իրավիճակը Հարավային Կովկասում
Եվրոպական միությունն օգնության ձեռք է մեկնում Հայաստանում hեղեղումների հետևանքով տուժածներին
Կյանքից հեռացել է ՀՀ ԳԱԱ ակադեմիկոս Համելտ Գևորգյանը
Հարցազրույց Հովսեփ Խուրշուդյանի հետ
Մեհրաբյան online

Պուտինն այդկերպ արձագանքում է կովկասյան ուղղությամբ արևմուտքի ակտիվությանը

Ռուսաստանի նախագահ Վլադիմիր Պուտինը հրամանագիր է ստորագրել իր մեկ այլ՝ 2012 թվականին ստորագրած հրամանագիրը «Ռուսաստանի Դաշնության արտաքին քաղաքականության իրականացման միջոցառումների մասին» ուժը կորցրած ճանաչելու վերաբերյալ: Նոր հրամանագիրն ուժի մեջ է մտել 2023 թվականի փետրվարի 21-ին:

ԱՊՀ երկրների վերաբերյալ Պուտինի՝ 11 տարվա վաղեմության հրամանագրով, որով սահմանվում են ՌԴ արտաքին քաղաքական ուղենիշները, նշվում է ԱՊՀ տարածքում ինտեգրացիոն գործընթացների զարգացման մասին։ Ըստ այդ փաստաթղթի, օրինակ, պետք է խորացնել եվրասիական ինտեգրացիան Եվրասիական տնտեսական միության շրջանակում, ամրապնդել ՀԱՊԿ-ը, դրա օպերատիվ արձագանքման մեխանիզմները, շարունակել հետևողական աշխատանքը Լեռնային Ղարաբաղի հակամարտության կարգավորման համար՝ համագործացկելով ԵԱՀԿ Մինսկի խմբի մյուս համանախագահ երկրների՝ ԱՄՆ ու Ֆրանսիայի հետ։

Ռուսաստանցի քաղաքագետ Ստանիսլավ Տարասովը  կարծում է, որ Պուտինը պարզապես իրավաբանորեն արձանագրել է արդեն իսկ գոյություն ունեցող  փաստը. «Մինսկի խումբը չի աշխատում, ռուսական կողմի կարծիքով՝ ԱՄՆ-ի ու Ֆրանսիայի ոչ կոնստրուկտիվ գործողությունների պատճառով։ Այդ մասին խոսել է նաև Լավրովը։ Հայկական կողմը փորձեց վերակենդանացնել այդ խումբը։ Չեմ բացառում, որ  Վաշինգտոնի ու Փարիզի դեպքում դա ստացվի, բայց հաստատ  ոչ Ռուսաստանի։ Ամեն դեպքում Մինսկի խումը երկու հոգանոց տանգո է։ Ադրբեջանը հրաժարվում է այդ խմբից, Ռուսաստանն էլ կոնստրուկտիվ մոտեցում չունի, իսկ միակողմանի չի ստացվի, դա փակուղային իրավիճակ է ստեղծում»,-«Առաջին լրատվական»-ի հետ զրույցում ասաց նա։

Տարասովի դիտարկմամբ՝ոչ միայն Մինսկի խումբը, այլ նաև Վրաստանի մասով՝ Ժնևյան բանակցությունները չեն աշխատում, Պուտինը հենց դա է արձանագրել.«Ընդհանրապես հիմա տարածաշրջանում շատ բարդ կոմբինացիա է ստեղծվել։ Հայաստանի ու Ադրբեջանի հարաբերությունները շատ բարդ են։ Նույնիսկ Բլինքենի միջնորդությամբ՝ Մյունխենում կայացած  հանդիպումը մեծ արդյունք չտվեց։ Հայաստանը ներկայացրել է խաղաղության համաձայնագրի իր տարբերակը, որտեղ կետ կա նաև Ղարաբաղի մասին։  Ինչպես կլուծվի այդ հարցը՝ բարդ է ասել ու առհասարակ հայկական կողմը կկարողանա՞ պնդել, որ այդ հարցն արծարծվի։ Այժմ  արդարացիորեն պետք է նշենք, որ Հայաստանը ժամանակ է շահում՝ ձգձգելով իրավիճակը, իսկ Բաքվին չի հաջողվում խաղաղության պայմանագրով ամրագրել իր հաղթանակը երկրորդ ղարաբաղյան պատերազմում»։

Ըստ մեր զրուցակցի՝ ԵՄ դիտորդների ներկայությունը դուր չի գալիս ո՛չ Ադրբեջանին և ո՛չ էլ Ռուսաստանին.«Եթե իրավիճակն այսպես զարգանա, չեմ բացառում, որ  ռազմական բախման ականատես լինենք»։

Ինչու՞ հենց հիմա Պուտինը որոշեց չեղարկել 2012-ի պայմանագիրը, Տարասովն արձագանքեց. «Դիվանագիտական քայլ է։ Միգուցե սա արձագանք է կովկասյան ուղղությամբ արևմտյան ակտիվությանը»,-նկատեց նա։

Ստանիսլավ Տարասովը շեշտեց՝ Երևանը հրաժարվեց իր սահմաններին ընդունել ՀԱՊԿ դիտորդական առաքելությունը.«Թե ինչպես կզարգանան իրադարձություններն ապագայում՝ բարդ է ասել։ Մենք ունենք Ղարաբաղում ռուս խաղաղապահների խնդիրը։ Եթե Հայաստանին դեմ են տալիս արևմտյան տարբերակով պայմանագրի ստորագրումը, ապա  կոմունիկացիների ապաշրջափակման, ինչպես նաև սահմանների դեմարկացիայի ու դելիմիտացիայի հարցը կարող է քննարկվել առանց  Ռուսաստանի։ Ռուսաստանն այդ դեպքում կարող է որպես կոնսուլտանտ հանդես գալ՝ քարտեզներ տրամադրելով։ Բայց նաև պետք է նշեմ, որ այսպիսով չեղարկվում են նոյեմբերի 9-ի համաձայնագրի դրույթները։ Ալիևը հարցը տանում է նրան, որ եթե  Հայաստանը ճանաչում է Ադրբեջանի տարածքային ամբողջականությունը՝ ներառյալ Լեռնային Ղարաբաղը, ապա արդեն անհեթեթ է դառնում ստորագրվելիք պայմանագրում Լեռնային Ղարաբաղի հիշատակումը։ Ստացվում է՝ ռուս խաղաղապահների հարցն էլ կարելի է քննարկել Մոսկվա-Բաքու երկխոսության ճանապարհով, Երևանն արդեն կապ չի ունենա։ Հիմա Ալիևը պնդում է, որ Լաչինի միջանցքում անցակետ տեղադրվի, եթե այդպես լինի՝ դա կլինի Հայաստանի ու Ադրբեջանի ապագա սահմանը»,-եզրափակեց նա։

 

Բաժիններ
Ուղիղ
Լրահոս
Որոնում