Սույն թվականի ապրիլի 21-23-ը Երևանում է կայանալու ամենամյա Կիոկուշին կարատեի Եվրոպայի առաջնությունը։ Արդեն 3-րդ անգամ է՝ Հայաստանի Կիոկուշին կարատեի ֆեդերացիան՝ հիմնադիր-նախագահ շիհան Անդրանիկ Հակոբյանի գլխավորությամբ, ՀՀ-ում է հյուրընկալում Եվրոպայի առաջնությունը՝ աշխարհի մասշտաբով լավագույն մարզիկներին՝ իրենց պատվիրակություններով։
Որպես հիշեցում՝ նշենք, որ 2018թ.-ի Եվրոպայի առաջնությանը Հայաստան էին ժամանել 27 երկրների պատվիրակություններ։ Վերջինս անցավ մեծ շուքով՝ դրոշմվելով բոլոր ներկաների հիշողություններում՝ որպես նշանակալի իրադարձություն։ Այս անգամ ևս սպասվում է մեծամասշտաբ առաջնություն՝ դիտարժան մենամարտերով։
