Անվտանգային և ռազմամարզական ոլորտի ներկայացուցիչների միավորման նպատակը ՀՀ անվտանգային խնդիրներն են: Թեմայի շուրջ «Առաջին լրատվական»-ը զրուցել է Անվտանգային և ռազմամարզական ոլորտի ներկայացուցիչների միավորման խորհրդի նախագահ Նարեկ Ներսիսյանի և նույն խորհրդի անդամներ Արման Պողոսյանի ու Արշակ Վարտանովի հետ:
Մեր բանախոսները նշեցին, որ միավորման գաղափարախոսությունը Հայաստանում ընդհանուր անվտանգային համակարգի ներդրումն է. «Մեր նման պետությունները չունեն բյուջետային ռեսուրսներ, որոնք կբավարարեն անվտանգային խնդիրներին: Բոլոր ինստիտուտները պետք է համախմբվեն ՀՀ անվտանգային խնդիրների շուրջ: Նոր անվտանգային համակարգի ներդրումը շատ բան կփոխի. Հասարակություն-պետություն դիալոգ է պետք: ՀՀ յուրաքանչյուր քաղաքացի պետք է պատասխանատվություն ունենա հայրենիքի ու մեկը մյուսի նկատմամբ: Շատ կարևոր է, որ միավորումները լինեն հասարակության դիմակայունությունը բարձրացնելու ուղղությամբ»: