Ադրբեջանը հայտնվել է մի իրավիճակում, որից հեշտ ելք չկա. Բաքուն չի կարող միջանցքը հենց այնպես բացել: «Առաջին լրատվական»-ի հետ զրույցում նշեց քաղաքագետ, «Կովկաս» ինստիտուտի տնօրեն Ալեքսանդր Իսկանդարյանը:
Քաղաքագետի խոսքով` Ադրբեջանի նպատակն է ունենալ վերահսկողություն դեպի Արցախ ճանապարհին ու Արցախից դուրս եկող հատվածում. «Բաքուն վստահ է՝ դիվանագիտականից բացի այլ ճնշում իր վրա չի բանեցվի: Չի բացառվում՝ մշակվի տարբերակ, երբ ռուս խաղաղապահները խոստանան ստուգել դեպի Արցախ գնացող մեքենաներն ու բեռները: Ադրբեջանն առևտրի մեջ է, ուզում է ինչ-որ բան ստանալ միջանցքը բացելու դիմաց»: