Այսօր Ռուսաստանի նախագահ Վլադիմիր Պուտինը և Չինաստանի նախագահ Սի Ցզինպինը բանակցություններ են վարել։ Տեսակոնֆերանսի ժամանակ Պուտինը Չինաստանի նախագահ Սի Ցզինպինին հրավիրել է 2023 թվականին այցելել Մոսկվա։
«Գալիք տարում ինտենսիվ երկկողմ փոխանակումները կշարունակվեն։ Չեմ կասկածում, որ Ձեզ հետ անձամբ հանդիպելու հնարավորություն կգտնենք։ Սպասում ենք Ձեզ, հարգելի պարոն նախագահ, սիրելի բարեկամ, սպասում ենք Ձեզ հաջորդ տարվա գարնանը՝ Մոսկվայում՝ պետական այցով»,- ասել Է Պուտինը:
Ըստ Պուտինի՝ պաշտոնական այցը «ամբողջ աշխարհին ցույց կտա ռուս-չինական կապերի ամրությունը» և «կդառնա երկկողմ հարաբերություններում տարվա գլխավոր քաղաքական իրադարձությունը»:
