Թուրքական Haber Türk թերթի փոխանցմամբ՝ հոկտեմբերի 1-ից սկսած Թուրքիայի Ազգային մեծ ժողովի (ԹԱՄԺ) պատգամավորները կզբաղվեն յոգայով։ Դա կլինի նրանց ազատ ժամանակն անցկացնելու միջոցներից մեկը։
Յոգայի դասընթացները կանցկացվեն շաբաթական երկու անգամ՝ արհեստավարժ մարզիչ Ֆերիդե Էրօղլուի գլխավորությամբ։ Սթրեսը վերացնել ցանկացող թուրք պատգամավորները կարող են խորհդարանի նիստերի ընդմիջումների կամ էլ իրենց սնվելու ընդմիջումների ժամանակ անվճար զբաղվել յոգայով։ Դասընթացների տևողությունը կազմելու է 1 ժամ։Այս նպատակով ԹԱՄԺ-ի շենք են բերվելու համապատասխա մարզասարքեր ու հանդերձանք։
Հիշեցնենք, որ ԹԱՄԺ-ն հիմնադրվել է 1920 թվականի ապրիլի 23-ին Մուսթաֆա Քեմալ Աթաթուրքի կողմից։ 1995 թվականից սկսած այն ունի 550 պատգամավոր։