Հիբրիդային պատերազմ է: Չենք կարող սպասել միջազգային հանրությունից այն, ինչ իրենք չեն կարող անել մեզ համար: «Առաջին լրատվական»-ի հետ զրույցում նշեց ԱՄՆ Նևադայի համալսարանի պրոֆեսոր, քաղաքական գիտությունների դոկտոր Ներսես Կոպալյանը:
Կոպալյանը կարծում է, որ այն ակնկալիքը, որ ունենք երկրներից, հակասում է իրականությանը, որևէ երկիր մեր հարցերը չի լուծի. «Երբ մենք ինքներս կլուծենք մեր հարցերը, այն ժամանակ միջազգային համայնքը կօգնի մեզ: Ադրբեջանը հիբրիդային ծրագիր է մշակել ընդդեմ մեզ: Ադրբեջանը այն մակարդակի խնդիրներ է ստեղծում, որով գիտի, որ միջազգային հանրությունը չի օգնի: Ադրբեջանը դիվանագիտական ճնշման տակ է, բայց դա բավարար չէ: Իրավիճակը այնպիսին չէ, որ լուծումներ չկան, բայց պետք է ջանք թափենք»:
