Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան շարունակելու է Սիրիայի տարածքում քրդական ուժերի դեմ իրականացվող «հակաահաբեկչական» ռազմական գործողությունները:
Այս մասին հայտնում է թուրքական «Անադոլու» լրատվական գործակալությունը:
«Մենք ձեռնարկում ենք բոլոր անհրաժեշտ քայլերը Քոբանիում, Իդլիբում և կշարունակենք անել դա։ Թուրքիան այլեւս նրանց համար «նպաստավոր» տեղ չէ, ինչպես իրենք էին կարծում։ Սա այն տեղն է, որտեղ նրանք կխեղդվեն, երբ փորձեն իրենց քիթը խոթել այստեղ: Թուրքիան այլևս այն երկիրը չէ, որը չի կարող սեփական զինամթերք արտադրել, այլ այն Թուրքիան է, որն արտադրում է իր ամբողջ սպառազինությունը»,- ասել է նա։
