Վայոց ձորի մարզպետ Արարատ Գրիգորյանը ներկայացրել է Ջերմուկում տիրող իրավիճակը։ Նրա խոսքով. «Որևէ փոփոխություն տեղի չի ունեցել: Ընդհանուր որևէ լարվածություն չկա, անհանգստացնող միջադեպեր չեն եղել»։
Մարզպետը վստահեցրեց, որ բնակիչների մեծ մասը վերադարձել է Ջերմուկ:
Ինչ վերաբերում է ադրբեջանական վերջին ագրեսիայի հետևանքով առողջարանային բիզնեսի կրած վնասներին, մարզպետը հայտնել է, որ բազմաթիվ քննարկումներ են եղել ՀՀ էկոնոմիկայի նախարարության հետ, հանդիպումներ են եղել հյուրանոցների տնօրենների հետ. «Որպես այդպիսին՝ հիմա գործարկվող ծրագրեր չկան, բայց ծրագրերի նախագծեր քննարկվում են»։