Պաշտպանության նախարարի տեղակալը հանդիպման ընթացքում վերահաստատել է առաքելությանն աջակցելու պատրաստակամությունը։
ՀՀ պաշտպանության նախարարի տեղակալ Արման Սարգսյանը ԵՄ Արտաքին գործողությունների եվրոպական ծառայության Ռուսաստանի, Արևելյան գործընկերության, Կենտրոնական Ասիայի, տարածաշրջանային համագործակցության և ԵԱՀԿ հարցերով կառավարող տնօրեն Միխայել Զիբերտիի հետ հանդիպման ժամանակ ներկայացրել է հայ-ադրբեջանական սահմանին տիրող իրավիճակը:
Տեղեկությունը հայտնում է ՀՀ պաշտպանության նախարարության մամուլի ծառայությունը։
«Կողմերը քննարկել են նաև ԵՄ դիտորդական կարողությունների գործունեությանն առնչվող հարցեր: Պաշտպանության նախարարի տեղակալը վերահաստատել է առաքելությանն աջակցելու պատրաստակամությունը»,– ասված է հաղորդագրությունում:
Հանդիպմանը մասնակցել է նաև ՀՀ-ում ԵՄ պատվիրակության ղեկավար, արտակարգ և լիազոր դեսպան Անդրեա Վիկտորինը:
