Չորեքշաբթի օրը WikiLeaks կայքը համացանցում տարածել է մի տարօրինակ ֆայլ, որն, ըստ մասնագետների, հնարավոր չէ կարդալ առանց հատուկ կոդի: Այս ֆայլը հայտնվել է անմիջապես այն բանից հետո, երբ Twitter-ում WiliLeaks-ի էջում հաղորդվել էր ինչ-որ կարևոր հայտարարություն անելու վերաբերյալ: 571 մեգաբայթ մեծություն ունեցող ֆայլն ամբողջությամբ գաղտնի է, իսկ համացանցում տարածված հաղորդագրության համաձայն` դրա կոդը կփոխանցվի օգտատերերին ճիշտ ժամին և ճիշտ պահին, երբ լինի դրա անհրաժեշտությունը:
Անցած տարվա հուլիսին WikiLeaks-ը մեկ անգամ արդեն դիմել էր այս քայլին, ինչը շատերը «ապահովագրական» քայլ են համարում: Բանը նրանում է, որ Ասանժի դեմ իրականացվող վարույթով բացառված չէ, որ նրան կփոխանցեն Շվեդիայի իշխանություններին` այնտեղ արդարադատության առաջ կանգնելու համար, ինչը կանխելու համար Ասանժը սպառնում է մեծ քանակությամբ գաղտնի տեղեկություններ տարածել համացանցում:
