Ռուսաստանի օկուպացիոն ուժերից ազատագրված Ուկրաինայի բնակավայրերից տարհանվել է 22 հազար բնակիչ։ Այդ մասին հայտնել է փոխվարչապետ, ժամանակավոր օկուպացված տարածքների վերաինտեգրման հարցերով նախարար Իրինա Վերեշչուկը։
«Առնվազն երեք շրջաններ՝ Տերնոպոլը, Լվովը և Պոլտավան, այժմ պատրաստ են ընդունել ուկրաինացիներին, որոնք ցանկանում են լքել ազատագրված տարածքները, տեղավորել նրանց և օգնել՝ գոյատևել ձմեռը»,- ասել է Իրինա Վերեշչուկը։