Աննախադեպ գնաճ ունենք, սակայն համաշխարհային տնտեսության մեջ է արձանագրվում աննախադեպ գնաճ վերջին 2 տարիներին: Այս մասին «Առաջին լրատվական»-ի հետ զրույցում նշեց տնտեսագետ Կարեն Սարգսյանը:
«Մեր գնաճը 9 ամիսների տվյալներով 9,9 տոկոս է, մոտենում է 10 տոկոսին: Սակայն սննդամթերքի շուկայում արդեն ունենք երկնիշ գնաճ՝ 13,7 տոկոս: Եթե համեմատենք այլ երկրների, մասնավորապես, ԵԱՏՄ երկրների հետ, ապա Հայաստանում գնաճը համեմտաբար ցածր է: Դրան նպաստել է գնաճի արժևորումը հիմնական արժույթների նկատմամբ: Սա գնաճը զսպող գործոն է հանդիսանում: Սակայն քանի որ Հայաստանը հիմնականում ներկրող երկիր է, ուստի կամա, թե ակամա, համաշխարհային շուկաների գնաճային ճնշումները տեղափոխվում են մեր ներքին շուկաև առաջացնում նոր գնաճային սպասումներ և փաստացի գնաճ»,-ասաց նա:
