Այսօր «Հայելի» ակումբում տեղի ունեցած մամուլի ասուլիսի ժամանակ ՀՀ գյուղատնտեսության նախարարի տեղակալ, միջազգային համագործակցության ծրագրերի համակարգող Արմեն Պողոսյանը և գյուղատնտեսության նախարարության գյուղատնտեսական ծրագրերի իրականացման գրասենյակի տնօրեն Գագիկ Խաչատրյանը ներկայացրել են ծրագրեր, որոնք իրականացվում են միջազգային կառույցների` Պարենի գյուղատնտեսության կազմակերպության, ԵՄ-ի, Համաշխարհային բանկի հետ համատեղ:
Ներկայումս իրականացվում է թունաքիմիկատների որակի վերահսկողության, դրանց մնացորդային քանակների մոնիթորինգի ուժերի հզորացման, ծիրանի գենետիկ ռեսուրսների պահպանման, խորհրդատվական, հետազոտական տեղեկատվության վիրտուալ ցանցի ներդրման, անտառների մոնիթորինգի հզորացման ծրագրերը:
Առաջին անգամ տարածաշրջանում իրականացվելու է «Կլիմայի փոփոխության ազդեցությունը գյուղատնտեսության վրա» ծրագիրը, որը կրում է հետազոտական բնույթ: Ծրագիրը մեկնարկել է մեկ ամիս առաջ և կտևի 2 տարի: Հետազոտվելու է կլիմայի փոփոխությունը տարածաշրջանում` Հայաստան, Վրաստան, Ադրբեջան:
