Վահագն Հովակիմյանը երկար տարիներ ռնչություն ունեցել է ընտրական գործընթացների հետ, նաև «Քաղաքացիական պայմանագիր» կուսակցությունում համակարգել է այդ աշխատանքները: Այս մասին ԱԺ-ում լրագրողների հետ զրույցում նշեց ՔՊ խմբակցության պատգամավոր Վիգեն Խաչատրյանը՝ խոսելով ԿԸՀ նախագահի պաշտոնում Վահագն Հովակիմյանի թեկնածությունն առաջադրելու ՔՊ-ի որոշմանը:
«Ինքը այն կուսակցության անդամն է, որը ստանձնել է Հայաստանում ժողովրդավարության՝ շեղված ուղուց դեպի նորմալ ուղի վերադառնալը, որը տեղի էն ունենում: Եթե դիտարկենք ընտրությունները գոնե վերջին երկու տարում, կտեսնենք, որ այս քաղաքական ուժը փորձում է իրեն պահել այն խաղի սահմաններում, որոնք հռչակված են, որ ընտրությունները լինեն մրցակցային, թափանցիկ: Այդ առումով, ինքն իր փորձով այդ աշխատանքները համակարգելուն լրիվ ունակ մարդ է»,- ասաց նա:
