ՀՀ գյուղատնտեսության նախարար Սերգո Կարապետյանն այսօր ընդունել է ՀՀ-ում Վրաստանի արտակարգ և լիազոր դեսպան Թենգիզ Շարմանաշվիլիին, ով հանդիպման ընթացքում հետաքրքրվել է մեր երկրում իրականացվող գյուղատնտեսական ծրագրերով, հնարավոր համագործակցությամբ:
Սերգո Կարապետյանը, խոսելով ոլորտում առկա իրավիճակի մասին, դեսպանին տեղեկացրել է, որ կառավարության գործադրած ջանքերի ու համեմատաբար բարենպաստ բնակլիմայական պայմանների արդյունքում գյուղատնտեսական տարին կարելի է համարել բարեհաջող: Ստացված բերքի ցուցանիշները հնարավորություն են տվել արտահանելու բերքը: Արդեն իսկ մթերվել է զգալի քանակությամբ պտուղ-բանջարեղեն, իսկ ցորենի բերքի ծավալները նախորդ տարվա համեմատ էականորեն մեծացել են:
«Հայաստանը հնարավորություն ունի դեպի Վրաստան ևս արտահանել պտուղ-բանջարեղեն, գյուղատնտեսական այլ մթերքներ: Մենք կարող ենք համագործակցել բոլոր ոլորտներում, ինչպես, օրինակ, անասնապահության, սերմնաբուծության, վերամշակման ճյուղերում: Լավ ավանդույթներով ու ժամանակակից տեխնոլոգիաներով աշխատող պահածոների գործարաններ ու վերամշակող ձեռնարկություններ ունենք: Վրաստանի դեպքում կարող ենք մատնանշել գինեգործության ոլորտը: Երկար տարիներ հաջողությամբ համագործակցել ենք: Նախորդ երկու տարիներին գյուղատնտեսական որոշ մթերքների հետ կապված արտահանման խնդիրներ եղան: Հուսով ենք, որ այս տարի նմանատիպ խնդիրներ չեն առաջանա»,- նշել է նախարար Սերգո Կարապետյանը՝ անդրադառնալով նաև հայկական ներդրումներին Վրաստանում:
«Մենք պատրաստակամ ենք նաև աջակցելու, որպեսզի մեր երկրում ևս օտարերկրյա ներդրումներ իրականացվեն՝ այդ թվում վրացական»,- հավելել է գյուղատնտեսության նախարարը: Ինչպես իր հերթին տեղեկացրել է դեսպան Թենգիզ Շարմանաշվիլին, Վրաստանը պատրաստվում է Հայաստան ներկրել եգիպտացորեն:
«Համագործակցության առումով, ինչպես տեսնում եմ, կան շատ ճյուղեր, որտեղ Հայաստանի գրանցած առաջընթացն ու փորձը կարող են օրինակելի լինել Վրաստանի համար: Պետք է արձանագրել, որ Վրաստանի համեմատությամբ, Հայաստանն ունի բավական զարգացած գյուղատնտեսություն, և դինամիկ առաջընթաց է նկատվում բոլոր ճյուղերում՝ հատկապես պտուղ-բանջարեղենի վերամշակման, կաթնամթերքի, մսամթերքի արտադրության մեջ»,- նկատել է Վրաստանի դեսպանը:
Ինչ վերաբերում է համագործակցության ընդլայնմանը, ապա Թենգիզ Շարմանաշվիլին պատրաստակամություն է հայտնել կազմակերպել երկու երկրների գյուղատնտեսության նախարարների հանդիպում, ինչին Սերգո Կարապետյանը դրական է արձագանքել:
ՀՀ գյուղատնտեսության նախարար Սերգո Կարապետյանն այսօր ընդունել է ՀՀ-ում Վրաստանի արտակարգ և լիազոր դեսպան Թենգիզ Շարմանաշվիլիին, ով հանդիպման ընթացքում հետաքրքրվել է մեր երկրում իրականացվող գյուղատնտեսական ծրագրերով, հնարավոր համագործակցությամբ:
Սերգո Կարապետյանը, խոսելով ոլորտում առկա իրավիճակի մասին, դեսպանին տեղեկացրել է, որ կառավարության գործադրած ջանքերի ու համեմատաբար բարենպաստ բնակլիմայական պայմանների արդյունքում գյուղատնտեսական տարին կարելի է համարել բարեհաջող: Ստացված բերքի ցուցանիշները հնարավորություն են տվել արտահանելու բերքը: Արդեն իսկ մթերվել է զգալի քանակությամբ պտուղ-բանջարեղեն, իսկ ցորենի բերքի ծավալները նախորդ տարվա համեմատ էականորեն մեծացել են:
«Հայաստանը հնարավորություն ունի դեպի Վրաստան ևս արտահանել պտուղ-բանջարեղեն, գյուղատնտեսական այլ մթերքներ: Մենք կարող ենք համագործակցել բոլոր ոլորտներում, ինչպես, օրինակ, անասնապահության, սերմնաբուծության, վերամշակման ճյուղերում: Լավ ավանդույթներով ու ժամանակակից տեխնոլոգիաներով աշխատող պահածոների գործարաններ ու վերամշակող ձեռնարկություններ ունենք: Վրաստանի դեպքում կարող ենք մատնանշել գինեգործության ոլորտը: Երկար տարիներ հաջողությամբ համագործակցել ենք: Նախորդ երկու տարիներին գյուղատնտեսական որոշ մթերքների հետ կապված արտահանման խնդիրներ եղան: Հուսով ենք, որ այս տարի նմանատիպ խնդիրներ չեն առաջանա»,- նշել է նախարար Սերգո Կարապետյանը՝ անդրադառնալով նաև հայկական ներդրումներին Վրաստանում:
«Մենք պատրաստակամ ենք նաև աջակցելու, որպեսզի մեր երկրում ևս օտարերկրյա ներդրումներ իրականացվեն՝ այդ թվում վրացական»,- հավելել է գյուղատնտեսության նախարարը: Ինչպես իր հերթին տեղեկացրել է դեսպան Թենգիզ Շարմանաշվիլին, Վրաստանը պատրաստվում է Հայաստան ներկրել եգիպտացորեն:
«Համագործակցության առումով, ինչպես տեսնում եմ, կան շատ ճյուղեր, որտեղ Հայաստանի գրանցած առաջընթացն ու փորձը կարող են օրինակելի լինել Վրաստանի համար: Պետք է արձանագրել, որ Վրաստանի համեմատությամբ, Հայաստանն ունի բավական զարգացած գյուղատնտեսություն, և դինամիկ առաջընթաց է նկատվում բոլոր ճյուղերում՝ հատկապես պտուղ-բանջարեղենի վերամշակման, կաթնամթերքի, մսամթերքի արտադրության մեջ»,- նկատել է Վրաստանի դեսպանը:
Ինչ վերաբերում է համագործակցության ընդլայնմանը, ապա Թենգիզ Շարմանաշվիլին պատրաստակամություն է հայտնել կազմակերպել երկու երկրների գյուղատնտեսության նախարարների հանդիպում, ինչին Սերգո Կարապետյանը դրական է արձագանքել: