ԻՔՄ համակարգող Դանիել Իոաննիսյանը ֆեյսբուքյան իր էջում գրել է․
Ռուսաստանի դեսպանատան մոտից բողոքի ցույցի մասնակիցներին բերման ենթարկելը ակնհայտ ապօրինություն է:
Քաղաքացիները ամբողջությամբ օրինական ու խաղաղ ակցիա էին անում՝ իրենց դժգոհությունը արտահայտելով Հայաստանի տարածքի վրա ադրբեջանական հարձակման մասով Ռուսաստանի ոչ դաշնակցային արձագանքի վերաբերյալ:
Ոստիկանությունը, սկզբում ներկայացրեց ակնհայտ ապօրինի պահանջ, իսկ վարկյաններ անց բերման ենթարկեց քաղաքացիներին՝ նրանց հասցեին հնչեցնելով վիրավորանքներ:
Խիստ տարակուսելի է, որ զորքի մարտունակությունը խաթարող ապատեղեկատվություն տարածողները կարող են ակնհայտ ագրեսիվ հավաքներ անել, իսկ մի քանի հոգի չեն կարող դաշնակցից իր գործը կատարելու պահանջով մայթին կանգնած խաղաղ ցույց անել:
Ոստիկանության այս մոտեցումը հակասում է Հայաստանի Սահմանադրությանը, միջազգային կոնվենցիաներին, օրենսդրությանը և պետական շահին:
Տեղի ուենցածը ակնհայտ հանցակազմ է պարունակում, որի մասին հաղորդումը քիչ անց կուղարկվի դատախազություն: