Լոս Անջելեսի հանրային առողջապահության դեպարտամենտը սեպտեմբերի 12-ին հաստատել Է, որ Լոս Անջելեսի օկրուգի բնակիչը մահացել Է «կապիկի ծաղկի» պատճառով»:
Այդ մասին, հաղորդում Է Axios-ը: Լոս Անջելեսի հանրային առողջապահության դեպարտամենտի տվյալներով՝ հիվանդի իմունիտետը եղել Է շատ թույլ, եւ նա հոսպիտալացվել Է: Նշվում Է, որ սա առաջին դեպքն Է, երբ պաշտոնատար անձինք հրապարակորեն հաստատել են ԱՄՆ-ում վիրուսից մահվան դեպքը:
Պորտալը նաեւ հիշեցնում Է, որ Տեխասի պաշտոնյաները հետաքննում են, թե անցած ամսին հիվանդի մահն արդյոք պայմանավորված Էր կապիկի ծաղկով: Կապիկի ծաղկից մահվան դեպքերը մնում են հազվադեպ. Առողջապահության համաշխարհային կազմակերպության տվյալներով, մահացության մակարդակը վերջին տարիներին կազմում Է 3-6 տոկոս:
Հիվանդությունների վերահսկման եւ կանխարգելման կենտրոնները հաղորդում են ԱՄՆ-ում սեպտեմբերի 12-ի դրությամբ հիվանդության 21 հազար 985 դեպքի մասին:
Կապիկի ծաղիկը հազվագյուտ վարակիչ հիվանդություն Է, որն առավել շատ տարածված Է Կենտրոնական եւ Արեւմտյան Աֆրիկայի առանձին շրջաններում: Դրա ախտանշաններն են՝ սրտխառնոցը, ջերմությունը, ցանը, քորը, ինչպես նաեւ մկանային ցավերը, հաղորդել Է «Ինտերֆաքս»-ը:
