ԱՄՆ նախագահական ընտրություններին մասնակցության մասին հայտարարած Միշել Բաքմանն ասել է, որ ԱՄՆ-ում վերջերս տեղի ունեցած երկրաշարժն ու փոթորիկը Աստծո կողմից տրված նշաններ են, որոնց Վաշինգթոնը պետք է ուշադրություն դարձնի: Հիշեցնենք, որ մեկ շաբաթ առաջ արևմտյան ափում 5.8 բալի երկրաշարժ էր տեղի ունեցել, իսկ անցած շաբաթավերջին սկսվել էր «Այրին» փոթորիկը:
«Վաշինգթոն, դու նշան ես ստացել: Երկրաշարժ, փոթորիկ: Դու լսո՞ւմ ես: Ամերիկյան ժողովուրդն արել է ամենը, ինչ կարող էր, այժմ եկել է աստվածային նշանների ժամանակը»,- ասել է Բաքմանը իր ելույթում: Ամերիկյան լրատվամիջոցները գրում են, որ հանրապետական Բաքմանն ամեն ինչում Բարաք Օբամային և նրա վարչակազմին մեղադրելու առիթը բաց չի թողնում՝ ստեղծված իրավիճակի համար պատասխանատու համարելով գործող նախագահին:
Սակայն երեկ Բաքմանն իր այս հայտարարությունը կատակ է անվանել. «Իհարկե, դա կատակ էր, և անհեթեթություն է այլ կերպ մտածել: Ես մարդ եմ, որը պաշտում է հումորը, ես հումորի գերազանց զգացում ունեմ»,- ասել է նախագահի թեկնածուն:
