Սոցցանցում և լրատվական կայքերում սեպտեմբերի 5-ին տեսանյութ էր տարածվել, որտեղ երևացող անձինք մայրաքաղաքում ծառ էին կտրում։ Ինչպես հայտնում են Ոստիկանությունից, ժամը 22:25-ին այս դեպքով ոստիկանությունում ահազանգ է ստացվել, որի ընթացքում հայտնել են, որ մայրաքաղաքի Պուշկին-Եկմալյան փողոցների խաչմերուկում կենսունակ ծառ են ապօրինի հատել և «Օպել» մեքենայով տեղափոխել։
Ոստիկանության Կենտրոնական բաժնի ծառայողների միջոցառումներով պարզվեց, որ ծառը հատել են Երևանի բնակիչ, 30 և 45 տարեկան երկու տղամարդիկ։
Սեպտեմբերի 6-ին մայրաքաղաքի Արամի փողոցում ոստիկանները ապօրինի ծառահատում կատարելու կասկածանքով ձերբակալել են 45-ամյա տղամարդուն և տեղափոխել ոստիկանության Կենտրոնական բաժին, իսկ 30-ամյա տղամարդն ինքնակամ ներկայացել է ոստիկանություն։
Նրանք ներկայացվել են քննչական ստորաբաժանում։
Կատարվում է նախաքննություն։
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
