Երեկ ՌԴ վարչապետ Վլադիմիր Պուտինը Նովոռոսիյսկում մասնակցել է բայքերների հավաքին, ուր ժամանել է եռակնանի Harley Davidson հսկայական մոտոցիկետլով: Նովոռոսիյսկում այս օրերին տեղի է ունենում ամենամյա բայք շոու, որը կոչվում է «Գիշերային գայլեր»: Այն ունի հայրենասիրական բնույթ: Այս մասին հաղորդում է RIA-Novosti գործակալությունը:
«Եղբայրներ, ես ցանկանում եմ դիմել ձեզ, շատ լավ է, որ դուք չեք մոռանում մեր անցյալի հերոսական պահերը և անցյալի հերոսներին»,- ասել է վարչապետը: Նա հիշեցրել է, որ 68 տարի առաջ Նովոռոսիյսկն ազատագրվել է ֆաշիստներից, իսկ երեխաներին այստեղից դուրս են բերել հենց մոտոցիկլետներով:
