«ՀԺ»-ն գրում է, որ 2008թ.-ից ի վեր ՀՀ գլխավոր դատախազ Աղվան Հովսեփյանի աշխատավարձն ամբողջությամբ չի վճարվում։ Այս մասին հայտնի է դարձել ՀՀ գլխավոր դատախազի մամուլի քարտուղար Սոնա Տռուզյանի՝ «ՀԺ»-ին ուղարկած գրությունից։
Գլխավոր դատախազի մամուլի քարտուղարի պարզաբանումը կապված է թերթի նախորդ համարի հրապարակման հետ, որտեղ նշվել է, ար Աղվան Հովսեփյանը ամսական 1 մլն 176 հազար դրամ աշխատավարձ է ստանում։ Տռուզյանը նախ գրություն է ուղարկել, որում պնդել է, որ գլխավոր դատախազը իրականում 784 հազար դրամ է ստանում։ Իսկ երբ թերթի թղթակիցը պարզաբանել է, որ բացի դրույքաչափից դատախազը նաև պետք է դասային աստիճանի հավելավճար ստանա 392 հազար դրամի չափով, Տռուզյանը պատասխանել է. «2008թ.-ից առ այսօր ՀՀ պետական բյուջեով համապատասխան ֆինանսավորում չի հատկացվում»։
«Նման վիճակում են հայտնվել մյուս դատախազները ևս և շուրջ չորս տարի ստանում են աշխատավարձի մի մասը միայն»։
