2011 թվականի հունվար-հուլիս ամիսների ընթացքում ՀՀ պետական բյուջեի միջոցների հաշվին կատարվել են 492 մլրդ 700 մլն դրամի ծախսեր՝ կազմելով իննամսյա ծրագրի 70.5%-ը, իսկ առանց արտաբյուջետային միջոցների՝ 71.3%: Մասնավորապես՝ 445 մլրդ 900 մլն դրամ են կազմել ընթացիկ ծախսերը, 46 մլրդ 800 մլն դրամ՝ ոչ ֆինանսական ակտիվների հետ գործառնությունները: Այս մասին ասվում է ՀՀ ֆինանսների նախարարության տարածած մամուլի հաղորդագրության մեջ:
2011 թվականի հունվար-հուլիս ամիսների պետական բյուջեի ծախսերի 30.2%-ն ուղղվել է սոցիալական նպաստներին և կենսաթոշակներին:
Պետական բյուջեի ոչ ֆինանսական ակտիվների հետ գործառնությունները հունվար-հուլիս ժամանակահատվածում կազմել են 46 մլրդ 800 մլն դրամ կամ ծրագրի 57.7%-ը: