Թուրքական Cihan լրատվական գործակալության փոխանցմամբ՝ Թուրքիայի ԱԳՆ-ն իր քաղաքացիներին կոչ է արել զգուշություն դրսևորել Թուրքիայից Սիրիա և Սիրիայից դեպի այլ երկրներ ճամփորդություններ կատարելու հարցում։ Դա տեղի է ունեցել այն բանից հետո, երբ Սիրիայում սպանվել է TIR-ի մի վարորդ։
Թուրքիայի ԱԳՆ-ի զգուշացումը մասնավորապես վերաբերում է ցերեկային ժամերին և ավտոշարասյան տեսքով ճամփորդություններին։ ԱԳՆ-ը նշել է, որ Սիրիայի ցամաքային ճանապարհներով երթևեկելիս Թուրքիայի քաղաքացիների կյանքն ու գույքը կարող են հայտնվել սպառնալիքի տակ։
Հիշեցնենք, որ վերջին շրջանում որոշակի լարվածություն է տիրում Թուրքիայի և Սիրիայի միջև, իսկ Թուրքիայի նախագահ Աբդուլլահ Գյուլն էլ հայտարարել է, որ Սիրիայի ղեկավարությունը գործնականում կորցրել է իրենց վստահությունը։