Ինչպես արդեն տեղեկացրել էինք` Արցախի Հանրապետության հյուսիսային և հյուսիս-արևմտյան սահմանագոտու մի շարք հատվածներում օգոստոսի 1-ին, ժամը 09:00-ից սկսած, ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր, որոնք կասեցվել են ՊԲ ստորաբաժանումների ուժերով: Արցախի ՊԲ-ն տեղեկացնում է, որ հայկական կողմից կորուստներ չկան: Իրադրությունը շարունակում է մնալ լարված: Կատարվածի մասին հանգամանալից տեղեկատվություն է տրամադրվել ռուսական խաղաղապահ զորակազմի հրամանատարությանը: Արցախում տիրող իրավիճակի շուրջ «Առաջին լրատվական»-ը զրուցել է Արցախի Ազգային ժողովի «Ազատ հայրենիք-ՔՄԴ» խմբակցության պատգամավոր Աշոտ Դանիելյանի հետ:
Վերջինիս փոխանցմամբ` Արցախում լարվածությունը մի փոքր թուլացել է, հանգուցալուծման ուղղությամբ աշխատանքներ են տարվում: Պատգամավորը հորդորեց չտրվել ապատեղակատվությանը, հետևել միայն պաշտոնական տեղեկատվությանը:
