ԱԺ գործատուն մենք ենք, հետկանչի իրավունքը մերը պետք է լինի: «Առաջին լրատվական»-ի հետ զրույցում նման տեսակետ հայտնեց գերագույն խորհրդի պատգամավոր Ազատ Արշակյանը:
Նրա խոսքով՝ ընդդիմությունը պետք է մեզ ներկայացներ վաղվա ծրագիրը, իսկ արդյոք ունենք ընդդիմություն․ «Ընդդիմությունը սեփական օրակարգ չունի: Ընդդիմությունը պետք է հաշվետվություն ներկայացնի՝ ինչու էին մեզ խանգարում: Նրանց օրակարգը իշխանությունը վերցնելն է»:
Անդրադառնալով ԱԱԾ բացահայտումներին, Արշակյանը ցավով նշեց, որ մեզնից ոմանք ծառայություն են առաջարկում օտարերկրյա գործակալներին․ «ԱԱԾ բացահայտած գործակալները նույնիսկ օգտակար իդիոտներ չեն»: Արաշկյանը անդրադարձավ նաև կեղծ նարատիվներին, նկատելով, որ մոսկովյան կոյուղին այստեղ դրենաժ ունի․ «Հակահայկական ելույթ ունեցողներին պետք է պատժել: Կոյուղիներով հոգեբանակական պատերազմի ճանապարհները պետք է փակենք»:
