Գեղարքունիքի մարզում ավտովթար է տեղի ունեցել, որի հետևանքով կա երեք տուժած, տեղեկությունը հայտնում է shamshyan.com–ը։
Ըստ կայքի՝ այսօր` ժամը 16։10-ի սահմաններում Opel Zafira մակնիշի ավտոմեքենան Սևան-Մարտունի-Գետափ ավտոճանապարհի 12 կմ հատվածում դուրս է եկել երթևեկելի գոտուց, բախվել քարերին՝ կոտրելով երթևեկութունը կարգավորող ցուցանակները։
Վթարի հետևանքով մեկ կին ու երկու երեխա մարմնական վնասվածքներով տեղափոխվել են «Գավառ» ԲԿ։
Ոստիկանությունն ու քննչական բաժինը պարզում են վարորդի և վիրավորների ինքնությունը։
Կայքի տեղեկություններով՝ վիրավորները վարորդի ազգականներն են։
