Ականատես ենք ներքին ինֆորմացիոն պատերազմի, որի զոհը մեր հասարակությունն է: «Առաջին լրատվական»-ի հետ զրույցում նշեց Խոսքի ազատության պաշտպանության կոմիտեի նախագահ Աշոտ Մելիքյանը:
Նրա խոսքով՝ տեղեկատվության ամենաթրենդային գիծը սենսացիան է, մի ճամբարի քաղաքական ուժի պախարակելը, արժեզրկելը․ «Բևեռացված ինֆորմացիոն դաշտում հնարավոր չէ պատկերացնել օբյեկտիվ անկախ դաշտ: Քաղաքական ուժերը գրեթե չեն թողել հայտնի լրատվամիջոց, որը անկախ դաշտում է գործում, գրեթե բոլորը սերտաճած են քաղաքական ուժերի հետ: ԶԼՄ-ների մեծ մասը ուղղակի քաղաքական համակարգի մաս են կազմում»:
Մելիքյանը կարծում է,որ անհրաժեշտ են քայլեր որոնք ավելի առողջ ինֆորմացիոին դաշտի կարող են հանգեցնել, ցանկացած փորձ՝ պայքարել ֆեյքերի ու ապատեղեկատվության դեմ, բավականին լուրջ դիմադրության է արժանանում, բայց դա չի նշանակում, որ մենք դադարելու ենք պայքարել:
