Abkhazeti.info-ի փոխանցմամբ՝ երեկ Աբխազիայում տեղի ունեցած վաղաժամ նախագահական ընտրություններում հաղթել է Ալեքսանդր Անկվաբը։ Կենտրոնական ընտրական հանձնաժողովի նախնական տվյալներով՝ Անկվաբը հավաքել է քվեների ավելի քան 51 տոկոսը (41,500 քվե), ինչը նշանակում է, որ երկրորդ փուլ չի լինի։
Թեկնածուներից Ռաուլ Խաջիմբան հավաքել է քվեների 30-32 տոկոսը, իսկ վարչապետ Սերգեյ Շամբան՝ 16-18 տոկոսը։
Ընտրություններին մասնակցելու ցուցանիշը կազմել է 61 տոկոս։
Հիշեցնենք, որ Անկվաբը 2005-2010 թվականներին եղել է Աբխազիայի վարչապետ, իսկ 2010 թվականից ցայժմ Աբխազիայի փոխնախագահն էր։
Աբխազիայի Սահմանադրության համաձայն՝ ընտրությունների ժամանակ ընտրված է համարվում այն թեկնածուն, ով հավաքել է ընտրություններին մասնակցածների 50% +1 քվեն։
Աբխազիայում նախագահի պաշտոնավարման ժամկետը կազմում է 5տարի՝ ևս մեկ անգամ նույն ժամկետով վերընտրվելու հնարավորությամբ։ 2004 և 2009 թվականների ընտրություններում հաղթել էր Սերգեյ Բաղապշը, որի վարած ինքնուրույն քաղաքականությունն ամենևին դուր չէր գալիս Կրեմլին։
Այդ պատճառով էլ շատերը նշում են, որ Կրեմլի պատվերով նա այս տարվա մայիսի վերջին սպանվել է (Մոսկվայում կատարված վիրահատության արդյունքում) ։
